{"id":4083,"date":"2022-02-25T08:33:55","date_gmt":"2022-02-25T06:33:55","guid":{"rendered":"https:\/\/campusindustrial.udc.es\/a-udc-organiza-a-oitava-edicion-da-first-lego-league-galicia-un-campionato-que-reunira-en-ferrol-a-preto-de-300-mozos-e-mozas-de-toda-a-comunidade\/"},"modified":"2022-02-25T08:33:55","modified_gmt":"2022-02-25T06:33:55","slug":"a-udc-organiza-a-oitava-edicion-da-first-lego-league-galicia-un-campionato-que-reunira-en-ferrol-a-preto-de-300-mozos-e-mozas-de-toda-a-comunidade","status":"publish","type":"post","link":"https:\/\/campusindustrial.udc.es\/en\/a-udc-organiza-a-oitava-edicion-da-first-lego-league-galicia-un-campionato-que-reunira-en-ferrol-a-preto-de-300-mozos-e-mozas-de-toda-a-comunidade\/","title":{"rendered":"A UDC organiza a oitava edici\u00f3n da FIRST LEGO League Galicia, un campionato que reunir\u00e1 en Ferrol a preto de 300 mozos e mozas de toda a comunidade"},"content":{"rendered":"
\"\"<\/a>
Foto de familia dos representantes das entidades e empresas que colaboran na oitava edici\u00f3n da FIRST LEGO League Galicia organizada pola Universidade da Coru\u00f1a a trav\u00e9s da Escola Polit\u00e9cnica de Enxe\u00f1ar\u00eda de Ferrol (EPEF) e do Campus Industrial.<\/figcaption><\/figure>\n

Ferrol, 25 de febreiro de 2022.- A Universidade da Coru\u00f1a organiza, por oitavo ano consecutivo, a FIRST LEGO League Galicia (FLL Galicia), o vindeiro s\u00e1bado 5 de marzo, no Auditorio Municipal de Ferrol, entre as 09:00 e as 15:00 horas. Nesta edici\u00f3n, participan un total de 41 equipos (21 na categor\u00eda FLL Challenge, 19 na FLL Explore e 1 na FLL Discover) e preto de 300 mozos e mozas de toda Galicia. O evento, coordinado polo profesor Jos\u00e9 Antonio Becerra Permuy, poder\u00e1 seguirse en directo a trav\u00e9s da canle oficial de YouTube da FLL Galicia<\/a>.<\/p>\n

Os xard\u00edns do Campus Industrial de Ferrol acolleron este venres a presentaci\u00f3n desta oitava edici\u00f3n \u00e1 que asistiron a vicerreitora do Campus de Ferrol e Responsabilidade Social, Mar\u00eda Jes\u00fas Movilla Fern\u00e1ndez, a concelleira de Benestar Social e Patrimonio Hist\u00f3rico do Concello de Ferrol, Eva Mart\u00ednez Montero, a directora do Campus Industrial, Ana Ares Pernas, e o director comisionado da Escola Polit\u00e9cnica de Enxe\u00f1ar\u00eda de Ferrol (EPEF), Andr\u00e9s Pi\u00f1\u00f3n Pazos.<\/p>\n

Como cada ano, colaboran nesta iniciativa o Instituto Galego de Promoci\u00f3n Econ\u00f3mica (IGAPE), a Deputaci\u00f3n Provincial da Coru\u00f1a, o Concello de Ferrol e o Conservatorio Profesional de M\u00fasica Xan Via\u00f1o. Ademais, patrocinan a FLL Galicia a empresa Gabadi SL, o Colexio Profesional de Enxe\u00f1ar\u00eda Inform\u00e1tica de Galicia (CPEIG), o Ilustre Colexio Oficial de Enxe\u00f1eiros Industriais de Galicia (ICOIIG), Gadis, R Cable, ERROR! Ferrol, PuntoGal, Neodyn e TodoOcio.<\/p>\n

Que \u00e9 a FIRST<\/em> LEGO League?<\/strong><\/p>\n

A FIRST<\/em> LEGO League \u00e9 un programa internacional que desaf\u00eda a mozos e mozas de entre 4 e 16 anos, divididos en 3 categor\u00edas, a resolver problemas do mundo real como poden ser a reciclaxe, a educaci\u00f3n ou as enerx\u00edas renovables. Mediante a s\u00faa resoluci\u00f3n, os mozos e mozas desfrutan coa ciencia e a tecnolox\u00eda. Ao mesmo tempo, aprenden valiosas habilidades para o seu futuro profesional e persoal como son o traballo en equipo, a resoluci\u00f3n de problemas e a comunicaci\u00f3n.<\/p>\n

O desaf\u00edo FIRST<\/em> LEGO League en Espa\u00f1a<\/strong><\/p>\n

Desde este ano, a Asociaci\u00f3n ingeniera.soy \u00e9 a entidade que impulsa a FIRST<\/em> LEGO League en Espa\u00f1a en colaboraci\u00f3n co 20% das universidades espa\u00f1olas, parques tecnol\u00f3xicos e entidades de promoci\u00f3n da innovaci\u00f3n como socios. Ademais, a iniciativa \u00e9 posible grazas \u00e1 colaboraci\u00f3n de empresas e entidades que achegan aos participantes aos co\u00f1ecementos e profesi\u00f3ns STEAM.<\/p>\n

Como funciona a FIRST<\/em> LEGO League?<\/strong><\/p>\n

Cada tempada, a FIRST<\/em> LEGO League desaf\u00eda aos mozos e mozas a resolver problemas do mundo real, tales como a reciclaxe, a xesti\u00f3n da auga ou as enerx\u00edas renovables mediante as oportunidades que ofrece a ciencia e a tecnolox\u00eda. Na edici\u00f3n 2021\/22, a trav\u00e9s do DESAF\u00cdO CARGO CONNECT<\/strong> invita aos equipos a aprender como se transporta, clasifica e entrega a carga aos seus destinos, desde as grandes distancias ata a \u201c\u00faltima milla\u201d. Do mesmo xeito, tam\u00e9n os desaf\u00eda a atopar soluci\u00f3ns para repensar o transporte a medida que se impo\u00f1en m\u00e1is demandas aos sistemas de transporte como poden ser a rapidez, a eficacia ou a sustentabilidade.<\/p>\n

Os equipos te\u00f1en que resolver este desaf\u00edo en tres \u00e1reas de traballo:<\/p>\n