Carmen Becerra será a protagonista, o próximo martes 10 de marzo, ás 19:00 horas, na Biblioteca Casa do Patín, da segunda sesión dos “Faladoiros Literarios”, un ciclo de conferencias promovido polo Concello de Ferrol en colaboración co Campus Industrial da Universidade da Coruña (UDC).
A xornalista da Cadena Cope Ferrol, Ada Romero, conducirá un faladoiro aberto a toda a comunidade universitaria e ao público xeral interesado. As persoas que desexen asistir deberán inscribirse, de xeito totalmente gratuíto, enviando un correo electrónico a vcfrs@udc.gal ou ben chamando ao 881 01 3800 antes das 14:00 horas do luns 9 de marzo.
