A Escola Politécnica de Enxeñaría de Ferrol (EPEF) acolle, o mércores 21 de outubro, de 09:00 a 17:00 horas, a I Xornada Técnica de Materiais e Procesos de Soldadura, impulsada pola Universidade da Coruña (UDC) e máis por Tesol Group, en colaboración con Navantia, Pemamek Iberia, ESAB Ibérica e Diagnostiqa Consultoría Técnica. A iniciativa reúne no Campus Industrial de Ferrol a profesionais do sector industrial, especialistas e persoas integrantes da comunidade universitaria para analizar as innovacións e os retos da fabricación industrial.
