Vida no Campus – Campus Industrial de Ferrol

Un Campus para Vivilo

Non Todo Vai Ser Estudar!

Ferrol é a cidade dos contrastes entre mar, industria e sociedade, entre a Ría, as rúas medieviais e as construcións militares e os castelos fortificados.

Descubre os castelos de San Felipe e Da Palma, ubicados nas beiras da ría de Ferrol; o emblemático Teatro Jofre, unha das obras de arquitectura teatral máis importantes de España no século XIX; a Casa Pereira, un edificio modernista do arquitecto Rodolfo Ucha Piñeiro; o estratéxico porto de Ferrol; e as praias de Doniños e de Pantín, lugares de lecer para gozar das areas brancas ou dos deportes náuticos.

Que Máis Podes Atopar no CIF

Ruta universal polo Campus Industrial de Ferrol

Bota un ollo aos contidos interactivos sobre os laboratorios e facultades do Campus Industrial de Ferrol. Premendo nas diferentes iconas do documento poderás acceder a dípticos sobre a investigación de diversos laboratorios e escaneando os códigos QR atoparás vídeos con contidos signados e tamén adaptados a persoas con diversidade funcional.

Este material divulgativo foi elaborado no marco do proxecto Unha Ruta Universal polo Campus Industrial de Ferrol, cofinanciado pola FECYT na convocatoria de fomento da cultura científica. Neste caso, o obxectivo do proxecto foi facer unha ruta polo campus válida para todo tipo de público, independentemente das súas capacidades, contribuíndo a universalizar de maneira definitiva a accesibilidade ao contido científico do Campus Industrial de Ferrol.

Ruta interactiva 2025