O salón de Graos da Facultade de Humanidades e Documentación do Campus Industrial de Ferrol acolle, o próximo martes 9 de maio, ás 19:30 horas, a palestra- “Exeria, viaxe a Terra Santa”, organizada pola Cátedra de Arqueoloxía e Educación Patrimonial que dirixe o profesor Juan Luís Montero Fenollós.
A palestra, que é a primeira do ciclo “Gallaecia e os primeiros séculos do cristianismo” será a cargo de Eduardo López Pereira, director da Axencia para a Calidade do Sistema Universitario de Galicia e catedrático de Filoloxía Latina da Universidade da Coruña.
Máis información sobre a actividade: Gallaecia e os primeiros séculos do cristianismo (I): Exeria — Cátedra de Arqueoloxía e Educación Patrimonial (catedradearqueoloxia.com)
