Ferrol, 4 de febreiro de 2026.- A Escola Politécnica de Enxeñaría de Ferrol (EPEF) reuniu, este mércores 4 de febreiro, entre as 09:30 e as 14:00 horas, a preto de 20 firmas con forte presenza en Galicia no seu II Encontro con Empresas. Unha iniciativa que se presenta, un ano máis, como un espazo idóneo para coñecer cales son os perfís profesionais máis demandados polas empresas do sector, así como para ser entrevistado ou entrevistada e optar a unha bolsa de prácticas ou mesmo a unha vacante.
Neste II Encontro con Empresas, coordinado polo subdirector Prácticas, Emprego e Mobilidade da Escola, Marco Campo, participaron, con cadanseu stand, das firmas Abance, Ghenova, Accenture, Cándido Hermida, Acebrón, Grupo Intaf, Applus+, GT Artabria, Arce Clima, Navantia, Aires Naval e Industrial, Segula Technologies, Cofrico, Septentriotech, DETEGASA, Tecdesoft, Gabadi, Techno Pro Hispania e Gauzón Ibérica.
A maiores, o programa do evento incluíu dúas conferencias, a primeira titulada “Ferramentas e Procesos de Deseño Avanzados na Enxeñaría de Navantia”, impartida polo responsable de Procesos e Ferramentas Avanzadas de Deseño en Navantia, José Luis Ruíz Herrer, e segunda “Emprego UDC ao voso servizo” da man do persoal da Unidade de Emprego, dependente da Vicerreitoría de Estudantes e Empregabilidade da Universidade da Coruña (UDC).
