Ferrol, 17 de novembro de 2023.- Alumnado do Máster en Enxeñaría en Deseño Industrial, titulación que se imparte na Escola Universitaria de Deseño Industrial (EUDI), visitou este venres a sede central de Inditex en Arteixo. O estudantado fixo un percorrido polos diferentes departamentos da compañía, no que puideron coñecer todo o ciclo do produto, desde o seu deseño ata a súa chega ás tendas: área de deseño, zonas de patronaxe, estilismo, merchandising ou mesmo coñecer as tendas piloto.
A visita enmárcase dentro do programa de actividades do Máster en Enxeñaría en Deseño Industrial que promove o profesor desta titulación que se imparte no Campus Industrial de Ferrol, Miguel Abelleira Doldán.
