Ferrol, 15 de novembro de 2023.- Preto de 30 estudantes dos graos en Enfermaría e Podoloxía do Campus Industrial de Ferrol participaron este luns, 13 de novembro, nos actos de conmemoración do Día Mundial da Diabetes – 14 de novembro – que organizou a Asociación de Diabéticos de Ferrolterra no Hospital Arquitecto Marcide, integrado no Complexo Hospitalario Universitario de Ferrol (CHUF), e máis no Centro de Saúde de Narón.
Ao longo da xornada, o alumando da Facultade de Enfermaría e Podoloxía realizou máis de 20 exploracións de pé diabético e preto de 200 medicións de glucemia e de tensión arterial baixo a supervisión dos profesores Pedro Gil Manso, Julia Janeiro Arocas, Emma Rodríguez Maseda e María Teresa García Pardo.
