A delegada da Xunta de Galicia en Ferrol, Martina Aneiros, visita o Campus Industrial da Universidade da Coruña

Durante a visita ao Campus Industrial de Ferrol, a delegada da Xunta de Galicia en Ferrol, Martina Aneiros, e a directora do Plan Ferrol, Eume e Ortegal, Natalia Barros, visitaron o Centro de Investigacións Tecnolóxicas (CIT) e algúns dos laboratorios do Edificio de Talleres pertencente á Escola Politécnica de Enxeñaría de Ferrol (EPEF).

Ferrol, 22 de marzo de 2022.- A vicerreitora do Campus de Ferrol e Responsabilidade Social, María Jesús Movilla, e a directora do Campus Industrial, Ana Ares, recibiron este martes, na Sala de Xuntas da Vicerreitoría, á delegada da Xunta de Galicia en Ferrol, Martina Aneiros, e á directora do Plan Ferrol, Eume e Ortegal, Natalia Barros, quen se amosaron moi interesadas en continuar colaborando coa Universidade da Coruña, e especialmente co Campus Industrial, a prol do desenvolvemento industrial da Comarca de Ferrolterra.

A xornada rematou cunha visita ao Centro de Investigacións Tecnolóxicas (CIT) onde a delegada da Xunta de Galicia en Ferrol e a directora do Plan Ferrol, Eume e Ortegal foron recibidas polo seu director científico, Armando Yáñez, e máis pola directora técnica, Anne Gosset.