Na FIRST LEGO League Galicia do pasado mes de febreiro participaron un total de 49 equipos (29 na categoría FLL, 14 na FLL Junior e 6 na FLL Junior Discovery) e preto de 370 mozos de Galicia e Asturias. Á fronte deste proxecto estivo o profesor da Universidade da Coruña, José Antonio Becerra Permuy.
Colaboraron nesta iniciativa Santander Universidades, a Deputación provincial da Coruña, o Concello de Ferrol e o Conservatorio Profesional de Música Xan Viaño. Formaron parte como patrocinadores a empresa Gabadi SL, o Colexio Profesional de Enxeñería en Informática de Galicia (CPEIG), o Ilustre Colexio Oficial de Enxeñeiros Industriais de Galicia (ICOIIG), GADIS, R, Erro Ferrol!, PuntoGal, Neodyn, TodoOcio e Lidl.
Que é a FIRST LEGO League?
A FIRST LEGO League é un programa internacional que desafía a mozos, de entre 10 e 16 anos, e resolver problemas do mundo real como poden ser a reciclaxe, a educación ou as enerxías renovables. Mediante a súa resolución, os mozos gozan coa ciencia e a tecnoloxía. Ao mesmo tempo, aprenden valiosas habilidades para o seu futuro profesional e persoal como son o traballo en equipo, a resolución de problemas e a comunicación. Este desafío está conformado por tres ámbitos de traballo:
- Deseñar, construír e programar un robot.
- Desenvolver un proxecto científico que da solución a un problema proposto por eles mesmos.
- Demostrar uns valores de equipo.
A FIRST LEGO League ten unha dobre misión:
- Fomentar as vocacións científicas e tecnolóxicas entre os máis novos.
- Desenvolver habilidades e competencias de futuro.
