A Coruña, 14 de decembro de 2019.- Jon Solozábal Basáñez é o novo director da Escola Universitaria de Deseño Industrial da Universidade da Coruña. Substitúe no posto a José Ramón Méndez Salgueiro, que pasa a ser secretario da Escola. Conforman o equipo de goberno deste centro do Campus Industrial de Ferrol, Álvaro Deibe Díaz e José Antonio Pérez Rodríguez, como subdirectores.
O novo equipo de goberno terá un mandato de seis anos coa nova Lei Orgánica de Universidades. A Escola Universitaria de Deseño Industrial imparte o Grao en Enxeñaría de Deseño Industrial e Desenvolvemento do Produto e o Máster Universitario en Enxeñaría en Deseño Industrial.
