Ferrol, 8 de novembro de 2023.- O Salón de Actos Concepción Arenal do Campus Industrial de Ferrol acolle mañá, xoves 9 de novembro, ás 19:30 horas, a presentación do libro “Dicho queda. La mirada de un católico” (PPC Editorial, 2023) na que o seu autor, o exalcalde da Coruña e exembaixador de España ante a Santa Sé, Francisco Vázquez Vázquez, reflexionará sobre o papel da Igrexa e os católicos na vida pública a través de tres grandes bloques temáticos: a relixión, a política e a sociedade.
A presentación do libro enmárcase no Ciclo de Conferencias 2023/24 que organiza a Asociación de Alumnos e Antigos Alumnos da Universidade Sénior do Campus Industrial de Ferrol. A asistencia á actividade é libre ata completar o aforo.
