A delegada do Campus Terra da Universidade de Santiago de Compostela, Elvira López, visita o Campus Industrial de Ferrol

Ferrol, 7 de febreiro de 2023.- A vicerreitora do Campus de Ferrol e Responsabilidade Social, María Jesús Movilla, e a directora do Campus Industrial de Ferrol, Ana Ares, recibiron esta mañá na Vicerreitoría, á delegada do Campus Terra, Elvira López, e aos técnicos do primeiro campus de especialización da Universidade de Santiago de Compostela, Pablo Rebolo e Patricia González, logo da visita realizada polas representantes da Universidade da Coruña ao campus lucense hai tan só unhas semanas e na que se sentaron as bases para o establecemento de futuras liñas de colaboración.

O programa da visita da delegación do Campus Terra inclúe o Centro de Investigación en Tecnoloxías Navais e Industriais (CITENI) onde a recibirá o director científico, Armando Yáñez, e a directora técnica, Anne Gosset. A visita pretende compartir experiencias co persoal investigador do Laboratorio de Mecánica de Fluídos, do Laboratorio de Aplicacións Industriais do Láser, do Laboratorio de Plásticos, do Laboratorio de Propiedades Térmicas e Reolóxicas de Materiais e da Canle de Ensaios Hidrodinámicos. Para rematar, a delegación achegouse ata as instalacións do Centro Mixto de Investigación UDC – Navantia, onde foron recibidos polo seu director, Pablo Fariña.

A vicerreitora do Campus de Ferrol, María Jesús Movilla (no centro da imaxe) recibiu á delegación lucense, xunto coa directora do Campus Industrial, Ana Ares (primeira pola esquerda).
A vicerreitora do Campus de Ferrol, María Jesús Movilla (no centro da imaxe) recibiu á delegación lucense, xunto coa directora do Campus Industrial, Ana Ares (primeira pola esquerda).