Ferrol, 24 de febreiro de 2023.- A Universidade da Coruña organiza, por noveno ano consecutivo, a FIRST LEGO League Galicia (FLL Galicia), o vindeiro sábado 4 de marzo, no Campus Industrial de Ferrol, entre as 09:00 e as 18:00 horas. Nesta edición, participan un total de 44 equipos (22 na categoría FLL Challenge, 21 na FLL Explore e 1 na FLL Discover) e máis de 300 mozos e mozas de toda Galicia. O evento, coordinado polo profesor José Antonio Becerra Permuy, poderá seguirse en directo a través da canle oficial de YouTube da FLL Galicia.
A sala anexa ao Salón de Actos Concepción Arenal do Campus Industrial de Ferrol acolleu este venres a presentación desta novena edición á que asistiron a vicerreitora do Campus de Ferrol e Responsabilidade Social, María Jesús Movilla Fernández, a directora xeral de Emprendemento e Apoio ao Emprego, Margarita Ardao Rodríguez, o concelleiro delegado da Área de Cultura, Educación, Universidade, Deportes e Festas do Concello de Ferrol, Antonio Golpe Díaz, a directora do Campus Industrial, Ana Ares Pernas, e o director comisionado da Escola Politécnica de Enxeñaría de Ferrol (EPEF), Andrés Piñón Pazos.
Na súa intervención, o coordinador da FIRST LEGO League Galicia, José Antonio Becerra Permuy, explicou que, nesta novena edición, o torneo volve ao Campus Industrial de Ferrol xa que as presentacións dos Proxectos de Innovación se farán nas aulas da Escola Politécnica de Enxeñaría de Ferrol (EPEF) e nas da Facultade de Humanidades e Documentación mentres que o Xogo do Robot se disputará no Pavillón de Esteiro e a entrega de premios terá lugar, en horario de tarde, no Auditorio de Ferrol. Do mesmo xeito, lembrou que a primeira edición tivo lugar no Salón de Actos Concepción Arenal do campus ferrolán, a segunda no campus da Coruña, e, desde a terceira ata a actualidade, no Auditorio Municipal de Ferrol e no Conservatorio Profesional de Música Xan Viaño agás no ano 2021 que foi integramente en liña por mor da COVID-19.
Como cada ano, colaboran nesta iniciativa a Xunta de Galicia, a través da Dirección Xeral de Emprendemento e Apoio ao Emprego – dependente da Consellaría de Promoción do Emprego e Igualdade –, a Deputación Provincial da Coruña e o Concello de Ferrol. Ademais, patrocinan a FLL Galicia a empresa Gabadi SL, o Colexio Profesional de Enxeñaría Informática de Galicia (CPEIG), Gadis, R Cable, ERROR! Ferrol, PuntoGal, Neodyn e Todo Ocio.
Listaxe FIRST LEGO League Galicia Challenge
| Equipo | Nome | Colexio | |
| 1 | Academia Galespace | Academia GaleSpace (Ourense) | |
| 2 | ROBOT CITY POBRA | MEGA Riveira (Ribeira, A Coruña) | |
| 3 | MEGA BUILDER TEAM | MEGA Riveira (Ribeira, A Coruña) | |
| 4 | MEGA RIBEIRA SUPER LEGO | MEGA Riveira (Ribeira, A Coruña) | |
| 5 | Elementals | CAPTIOMA GALICIA SL (Ourense) | |
| 6 | Peña Bots 1 | Colexio de Fomento Peñarredonda (A Coruña) | |
| 7 | Peña Bots 2 | Colexio de Fomento Peñarredonda (A Coruña) | |
| 8 | PATHFINDERS | Colexio Internacional Eirís (A Coruña) | |
| 9 | STEAM GIRLS Las Acacias | Colexio de Fomento Las Acacias (Vigo, Pontevedra) | |
| 10 | Las Acacias BOT | Colexio de Fomento Las Acacias (Vigo, Pontevedra) | |
| 11 | MontBOT | Colexio de Fomento Las Acacias (Vigo, Pontevedra) | |
| 12 | Energy BOT | Colexio de Fomento Las Acacias (Vigo, Pontevedra) | |
| 13 | Las Acacias Booster | Colexio de Fomento Las Acacias (Vigo, Pontevedra) | |
| 14 | Catabótica | IES Catabois (Ferrol, A Coruña) | |
| 15 | Infinity Montespiño | Colexio de Fomento Montespiño (A Coruña) | |
| 16 | Infinity Montespiño II | Colexio de Fomento Montespiño (A Coruña) | |
| 17 | H4CKZ4POS | Gazapo Xestión SL (Narón, A Coruña) | |
| 18 | R4PZ4POS | Gazapo Xestión SL (Narón, A Coruña) | |
| 19 | 3L3CTRICZ4POS | Gazapo Xestión SL (Narón, A Coruña) | |
| 20 | CTRL+ T | IES As Telleiras (Narón, A Coruña) | |
| 21 | OS ROBOTS DO PAZO | IES de Fene (Fene, A Coruña) | |
| 22 | Lego electrics | CPR Plurilingüe Guillelme Brown (Pereiro de Aguiar, Ourense) | |
Listaxe FIRST LEGO League Explore
| Equipo | Nome | Colexio |
| 1 | MEGA BUILDER TEAM JR. | MEGA Riveira (Ribeira, A Coruña) |
| 2 | EQUIPO LEGO | CEIP Plurilingüe de Castrelos (Cambados, Pontevedra) |
| 3 | AMIGOS DE LEGO | CEIP Plurilingüe de Castrelos (Cambados, Pontevedra) |
| 4 | RAINBOW FRIENDS | CEIP Plurilingüe de Castrelos (Cambados, Pontevedra) |
| 5 | ROBOPATO | CEIP Plurilingüe de Castrelos (Cambados, Pontevedra) |
| 6 | LEGO STAR | CEIP Plurilingüe de Castrelos (Cambados, Pontevedra) |
| 7 | LEGO HARRY | CEIP Plurilingüe de Castrelos (Cambados, Pontevedra) |
| 8 | ROBOT CITY POBRA JR | MEGA Riveira (Ribeira, A Coruña) |
| 9 | ROBOT CITY POBRA BENJAMÍN | MEGA Riveira (Ribeira, A Coruña) |
| 10 | Lego electrics | CPR Plurilingüe Guillelme Brown (Pereiro de Aguiar, Ourense) |
| 11 | Rayos de poca monta | Gazapo Xestión SL (Narón, A Coruña) |
| 12 | Legoblocks | Gazapo Xestión SL (Narón, A Coruña) |
| 13 | GAZABOTS | Gazapo Xestión SL (Narón, A Coruña) |
| 14 | MAKER LEGO LAR | Colexio Lar (Mos, Pontevedra) |
| 15 | STAR LEGO LAR | Colexio Lar (Mos, Pontevedra) |
| 16 | Los legueros eléctricos | CEIP Enrique Barreiro Piñeiro (Cambados, Pontevedra) |
| 17 | Superlego | CEIP Enrique Barreiro Piñeiro (Cambados, Pontevedra) |
| 18 | Reyes del Lego | CEIP Enrique Barreiro Piñeiro (Cambados, Pontevedra) |
| 19 | Equipo celta | CEIP Enrique Barreiro Piñeiro (Cambados, Pontevedra) |
| 20 | The Lightnings | CAPTIOMA GALICIA SL (Ourense) |
| 21 | Robotek | CAPTIOMA GALICIA SL (Ourense) |
Listaxe FIRST LEGO League Discover
| Equipo | Nome | Colexio |
| 1 | Guillelminos | Colexio Guillelme Brown (Pereiro de Aguiar, Ourense) |
