Green Campus Ferrol

© Silas Baisch on Unsplash

Auga e enerxía

OPTIMIZACIÓN DO CONSUMO DE AUGA

A auga é un recurso imprescindíbel para o desenvolvemento da vida no planeta. É importante saber que a auga ocupa tres cuartas partes do planeta,  pero a cantidade de auga doce é unicamente un 3% e desta,  só un 0,3% é axeitada para o consumo humano. Polo tanto,  aforrar auga é esencial.

– Que podemos facer?

  • Dúchate en vez de bañarte: encher a bañeira precisa aproximadamente 200 litros, mentres que unha ducha de cinco minutos gasta a cuarta parte.
  • Non uses o inodoro como lixo: pódense atascar as tuberías incrementando o consumo de auga. Non tires toallitas non degradables e bastoncillos, son algúns dos produtos que máis contaminan. Cada vez que se tira da cadea consúmense 10 litros de auga.
  • Non utilices papel hixiénico con tintes e perfumes: son altamente contaminantes.
  • Aposta pola eficiencia enerxética dos electrodomésticos: fíxate no consumo de auga dos electrodomésticos antes de mercalos.
  • Utiliza os electrodomésticos: gástase moita menos auga utilizando un electrodoméstico que lavando a man. Lavar a louza gasta entre 120 litros coa billa aberta, fronte aos 25 litros de auga ao por un lavalouzas cheo.
  • Pechar ben as billas: unha billa mal pechada supón perder 50 litros de auga diarios.
  • Non deixes correr a agua durante o afeitado ou lavado dos dentes: aforras ata 12 litros de auga.
  • Utiliza os electrodomésticos cheos.
  • Lava o coche nunha estación de lavado ou cun cubo e un trapo: consúmese 10 veces menos de agua que usando unha mangueira, que consume 500 litros de auga.

AFORRO DE ENERXÍA

O aforro de enerxía eléctrica é un elemento fundamental para o aproveitamento dos recursos enerxéticos, que permite optimizar o uso dos nosos artefactos eléctricos e aumentar a vida útil dos mesmos. Ao aforrar enerxía estamos diminuíndo o gran consumo de combustible que require a xeración de electricidade, e da mesma forma estamos evitando a emisión de gases que contaminan a nosa atmósfera. Polo tanto, o aforro de enerxía é unha das mellores formas para contribuir a frenar o cambio climático, evitando a produción adicional de enerxía e de emisións á atmosfera.

– Vantaxes de aforrar enerxía

  • Mellora da economía dos fogares: reduce a factura eléctrica.
  • Reduce os problemas de saúde: ao reducir o dano ambiental que producen as emisións de gases de efecto invernadoiro e partículas
  • Mellora o medio ambiente: diminúe o consumo de recursos naturais

– Que podemos facer?

Un cambio dos hábitos e actitudes poden favorecer unha maior eficiencia no uso da electricidade, o empleo racional dos recursos enerxéticos, e a preservación do noso entorno natural.

  • Aproveita a luz natural: abre as cortinas ou as persianas.
  • Apaga a luz antes de saír dunha habitación: ilumina só os lugares onde se precise.
  • Apaga a pantalla do ordenador: un ordenador sen apagar pode representar ata un 70% do consumo diario. Diminúe o brillo e o contraste da pantalla.
  • Apaga os equipos eléctricos: desenchufa os alimentadores de corrente ao final da xornada.
  • Utiliza lámpadas de consumo LED: o seu consumo de enerxía é 10 veces menor.
  • Non introduzas alimentos quentes na neveira: evitarás un consumo de enerxía innecesario.
  • Usa a lavadora e lavalouzas cheos: aforrarás auga e electricidade.
  • Utiliza as escadas en vez do ascensor, sempre que sexa posible.
  • Compra alimentos de tempada e produción local: non requiren un consumo extra de combustibles e electricidade.
  • Desconxela o refrixerador: o xeo crea un illamento que pode acarrear un 20% extra de consumo eléctrico. Asegúrate de que as portas sempre quedan ben pechadas.
  • Utiliza electrodomésticos modernos de baixo consumo: a diferencia de prezo cos electrodoméstico de alto consumo eléctrico compénsase co aforro de enerxía a longo prazo.