Axudas para a formación especializada de profesorado en materias relacionadas con titulacións de mestrado do CIF
Esta acción pretende facilitar que o persoal investigador e docente adscrito ao Campus Industrial de Ferrol (CIF) realice actividades formativas especializadas en materias relacionadas coas titulacións de mestrado do CIF, aumentando así a calidade docente e o atractivo da oferta académica do Campus Industrial de Ferrol e, por extensión, da Universidade da Coruña.
Contías:
- Importe máximo da convocatoria: 10.000 €
- Importe máximo por solicitante: 1.000 €
Que se pode financiar?
- O pago, impostos incluídos, do importe dos gastos relacionados coa realización das actividades de formación, e especificamente os seguintes:
- Gastos de inscrición na actividade formativa.
- En caso de ser necesario para a asistencia e mellor aproveitamento da actividade:
- Gastos de viaxe, aloxamento e manutención polo tempo imprescindible
Data de realización:
Do 1 de xaneiro e o 15 de outubro de 2025
Enlace á convocatoria (Data de publicación 26/03/2025)