Elaborar materiais educativos que aborden algúns dos principais retos da sustentabilidade e das finanzas persoais. Este é o desafío ao que se enfrontará o alumnado da Universidade da Coruña (UDC) no hackathon sobre finanzas persoais sostibles que se desenvolve no marco do Proxecto Europeo Erasmus+ ImpactFinance e que terá lugar, os días 28, 29 e 30 de xaneiro, na Facultade de Humanidades e Documentación do Campus Industrial de Ferrol.
O alumnado de grao, máster e de programas de doutoramento da Universidade da Coruña (UDC) interesado en participar neste hackathon sobre finanzas persoais sostibles deberá inscribirse, a través dun formulario web, antes das 15:00 horas do mércores 22 de xaneiro. Máis información, chamando ao 881 01 4415 ou ben enviando un correo electrónico a joaquin.enriquez@udc.es.
