Ferrol, venres 6 de outubro de 2023.- O alumnado do segundo curso do Grao en Xestión Industrial da Moda da UDC visitou este venres as instalacións centrais de Pull&Bear no Polígono Río do Pozo de Narón. A visita enmárcase dentro do programa de actividades promovido no marco da materia “Deseño de Moda” que imparte a profesora Patricia Muñiz.
O Grao en Xestión Industrial da Moda impártese, desde o curso 2018/19, na Facultade de Humanidades e Documentación do Campus Industrial de Ferrol. Foi a primeira titulación bilingüe do Sistema Universitario de Galicia (SUG).
