Ferrol, mércores 18 de outubro de 2023.- O alumnado do segundo curso do grao en Xestión Industrial da Moda visitou este martes a sede central de Inditex do Polígono de Sabón en Arteixo. Os alumnos fixeron un percorrido polos diferentes departamentos da compañía, no que puideron coñecer todo o ciclo do produto, desde o seu deseño ata a súa chegada ás tendas Zara: área de deseño, zonas de patronaxe, estilismo, merchandising, tendas piloto, etc.
A visita enmárcase dentro do programa de actividades promovido no marco da materia “Deseño de Moda” que imparte a profesora Patricia Muñíz.
O grao en Xestión Industrial da Moda impártese, desde o curso 2018/19, na Facultade de Humanidades e Documentación do Campus Industrial de Ferrol. Foi a primeira titulación bilingüe do Sistema Universitario de Galicia (SUG).
