O Campus Industrial de Ferrol acolle os días 9 e 10 de marzo unhas xornadas sobre a web, a creatividade científica, a innovación tecnolóxica e a sociedade

Ferrol, 17 de febreiro de 2023.- O Salón de Actos Concepción Arenal do Campus Industrial de Ferrol acolle, os días 9 e 10 de marzo, as xornadas sobre a Web: Creatividade Científica, Innovación Tecnolóxica e Sociedade que organiza o Centro de Investigación en Filosofía da Ciencia e da Tecnoloxía (CIFCYT) da Universidade da Coruña en colaboración coa Sociedade de Lóxica, Metodoloxía e Filosofía da Ciencia de España.

Entre os relatores convidados figuran o catedrático da Universidade de Stuttgart (Alemaña), Steffen Staab, o catedrático da Universidade de Southampton (Reino Unido), Thanassis Tiropanis, a profesora do Wellesley College de Massachusetss (Estados Unidos), Eni Mustafaraj, o líder de investigación no Wimmics de INRIA (Francia), Fabien L. Gandon,  o profesor da London School of Economics (Reino Unido), Nick Anstead, e o catedrático da Universidade de Sevilla (España), Julio Cabero Almenara.

As persoas interesadas en participar neste congreso que se enmarca dentro das XXVIII Xornadas de Filosofía e Metodoloxía Actual de Ciencia terán que enviar un correo electrónico cos seus datos persoais a jornadas.filosofia.ciencia@udc.es ou ben chamar ao 881 01 3814 antes das 14:00 horas do venres 24 de febreiro. O prezo da matrícula oscila entre os 40 e os 70 euros en función da categoría de inscrición: integrante da comunidade universitaria ou profesional.

Programa das xornadas Web: Creatividade Científica, Innovación e Tecnoloxía e Sociedade

Máis información: https://cifcyt.udc.es/

O profesor da Facultade de Humanidades e Documentación, Wenceslao J. González, coordina as xornadas sobre a “Web: Creatividade Científica, Innovación Tecnolóxica e Sociedade” que terán lugar, os días 9 e 10 de marzo, no Salón de Actos Concepción Arenal do Campus Industrial de Ferrol.
O profesor da Facultade de Humanidades e Documentación, Wenceslao J. González, coordina as xornadas sobre a “Web: Creatividade Científica, Innovación Tecnolóxica e Sociedade” que terán lugar, os días 9 e 10 de marzo, no Salón de Actos Concepción Arenal do Campus Industrial de Ferrol.