O Campus Industrial de Ferrol conmemora mañá o Día Internacional da Podoloxía cunhas xornadas sobre cirurxía podolóxica

Ferrol, 10 de outubro de 2023.- O alcalde do Concello de Ferrol, José Manuel Rey Varela, a presidenta do Colexio Oficial de Podólogos de Galicia (COPOGA), Ana Requeijo Constenla, o subdirector Xeral de Xestión Asistencial e Innovación do Servizo Galego de Saúde (SERGAS), Alfonso Alonso Fachado, e o vicedecano de Podoloxía da Universidade da Coruña (UDC), Pedro Gil Manso, inauguran mañá, mércores 11 de outubro, ás 10:30 horas, no Salón de Actos Concepción Arenal do Campus Industrial de Ferrol, as xornadas “Cirurxía en Podoloxía” que organiza a Facultade de Enfermaría e Podoloxía en colaboración co Colexio Oficial de Podólogos de Galicia para conmemorar o Día Internacional da Podoloxía (8 de outubro).

O programa das xornadas “Cirurxía en Podoloxía” inclúe a conferencia do profesor da Facultade de Enfermaría e Podoloxía, Óscar Miguel Álvarez Calderón, quen reflexionará sobre as relacións entre a docencia e a práctica quirúrxica. O tamén profesor do Campus Industrial de Ferrol, Fernando Gil Racionero, afondará na resolución quirúrxica metatarsal e a podóloga Lorena Martínez Seijas falará sobre a visión ecográfica e o tratamento dos principais tumores benignos das plantas brandas dos pés. Por último, o podólogo e vogal do Colexio Oficial de Podólogos de Galicia (COPOGA), Navor Pereira Losa, analizará a cirurxía podolóxica desde o eido da ciencia e a conciencia.

 A Facultade de Enfermaría e Podoloxía e o Colexio Oficial de Podólogos de Galicia conmemoran o Día Internacional da Podoloxía (8 de outubro) cunhas xornadas sobre cirurxía podolóxica que terán lugar mañá, mércores 11 de outubro, no Salón de Actos Concepción Arenal do Campus Industrial de Ferrol.
A Facultade de Enfermaría e Podoloxía e o Colexio Oficial de Podólogos de Galicia conmemoran o Día Internacional da Podoloxía (8 de outubro) cunhas xornadas sobre cirurxía podolóxica que terán lugar mañá, mércores 11 de outubro, no Salón de Actos Concepción Arenal do Campus Industrial de Ferrol.